2015ko Maiatzak 24, Igandea. 11:00


BILATZAILEA


PUBLIZITATEA

IKER GALARTZA: “Euskerazko antzerkiari bere garrantzia eta lekua eman behar zaio”

Sara Cozar eta Joseba Usabiagarekin egiten du lan Iker Galartzak antzezlanean. Arg: Noticias de Gipuzkoa.

Bihar antzerki-maratoiari ekingo zaio herrian. 20 antzezpen izango dira guztira, eta euskerazko lanekin hasi eta amaituko dira XXXV. Antzerki Jardunaldiak. Bihar, estreinaldian, Txalo taldearen ‘Hil arte bizi’ egongo da ikusgai Hezkuntza Esparruan. Sara Cozar, Joseba Usabiaga eta Iker Galartza dira antzerkiko aktoreak.

-‘Hil arte bizi’ antzezlanean adiskidetasuna da ardatza, baina zein zentzutan?
Ez dugu adiskidetasunaren gainean beste barik irakaspen bat kontatu nahi, adiskidetasuna muga batzuetan jartzea da asmoa. Lerro batzuk markatzen ditugu eta planteatu nahi dugu ea muga horiek gurutzatu daitezkeen edo ez. Muga horiek gurutzatzeko egoerak muturrera eraman behar dira, maitasun kontuak dauden bezala, heriotza presente dagoen egoeretara. Adibidez, “lagun bati zerbait barkatuko zenioke?”, adar kontuak badira, nork daki, baina heriotza tartean badago, egoera aldatu egiten da.
-Heriotzaren pertzepzioak adiskidetasuna aldatzen du?
Horrelako kasuetan ez dakit zer gertatzen den, niri ez baizait horrelako egoera batetan egotea. Hala ere, gure antzerkian planteatuko dugun zerbait izango da. “Nik horrekin ez dut ezer jakin nahi, ez dut ikusi ere egin nahi”, baina heriotza tartean sartzen bada? Biotako bati hilabete gutxi geratzen bazaizkio?
-Antzezlanak adiskidetasunaren mugak planteatzen dituela diozu. Zeintzuk dira muga horiek? Edo antzezlana ikustea da komenigarriena hori jakiteko?
Pentsatzen dut ikusi egin behar dela, azkenean hori delako antzezlanaren funtsa. Kontatuko banu… Askotan pentsatu izan dut antzerkian ematen diren liburuxketan ikusleari esan behar zaiola handik irtetzean ez kontatzeko ikusitako ezer. Jakin nahi badute, antzerkia ikus dezatela.
-Jose Veigaren ‘Amigos hasta la muerte’-ren egokitzapena da antzezlana, zuk euskaratu eta Euskal Herrian kokatu duzuna. Nolakoa izan da lan hori?
Oso ondo funtzionatu duen testua izan da eta ez dakit zergatik, baina uste nuen Euskal Herrirako oso egokia zela. Euskeraz gatz eta piper asko izan zitekeela pentsatzen nuen. Orduan, testuari heldu eta ukitu ezberdinak eman nizkion. Adibidez, Argentinako musikekin apainduta zegoen jatorriko testua eta ez nuen zertan aldatu, baina nola beste begi batez begiratzen dugun hemen eta musika ere daukagunez, Gozategiren musika aukeratu nuen antzezlana apaintzeko. Gozategiren azken diska ari nintzen orduan entzuten eta esaten nuen, “honek duen musikak antzerkia apaintzeko balio du, egokia da”. Ez dugu zertan kanpora joan hainbat gauzen bila. Seguruenik, Tapia eta Leturia entzuten egongo banintz, berdin gertatuko litzateke eurekin. Musika eta antzezlanak ondo uztartzen zutela pentsatzen nuen, besterik ez. Horrela, Gozategikoei baimena eskatu eta aurrera. Eurak pozik!
-Aktore moduan zer izan da du zuretzat proiektu hau?
Zerbait ezberdina egitea izan da. Jendeak kartelean ikusten nauenean, Joseba Usabiagarekin gertatzen den bezala, barre egiteko asmoarekin etortzen da beti. Kuriosoa izango litzateke nire argazkia kartelean jarri eta gero ‘Cinco horas con Mario’ ikustea. Aktore bezala, gauza ezberdinak egitea gustatzen zaizkit. Antzezlan honek oreka ematen dit, baina jendeari espero duena ere ematen saiatzen gara, izan ere, horregatik gaude hemen, umoreagatik. Jendeari umorea gustatzen zaio eta horri eutsi behar zaio, baina horrez gain istorio polita kontatzeko gogoa du aktore batek, pertsonaia bat eraiki eta gauzak kontatu. Antzezlana ez da parodia bat, istorio polita kontatzen da. Ni horrekin konformatzen naiz.
-‘Ate joka’ antzezlana egin zenuten hirukotea berriz ere batu zarete. Zuen artean kimika dagoen seinale?
Bai, eta ez bakarrik eszenatoki gainean, kanpoan ere. Normalean entseguetarako data batzuk ezartzen dira, baina lagunekin lan egiteak hainbat desabantaila dauzka. Adibidez, entsaiatzeko geratu eta afaltzen amaitzen dugu, “ez dugu ezer egin!”. Hori egun batean gertatzen da eta hurrengoan “aizu, atzo ez genuen ezer egin, gaur gehiago egin beharko dugu”, “ongi da, etorri etxera eta irakurketa egingo dugu”. Pentsatzen dut zuzendariarekin entsaiatzera sekula baino hobeto heldu ginela! Jendeari ez zaio iruditzen, baina paperaren aurrean lan asko egin behar du aktore batek, arkatz eta koloretako errotulagailuekin eskuan. Bestetik, lagunak izanik, elkarri asko exijitzen diogu, konfidantza dago gure artean eta gauzak ateratzen dira. Gero, bidaian gabiltzanean hobe lagun artean joatea, bokadiloa jan eta sagardo botila zabaltzeko.
-Estreineko antzezlana egingo duzue Antzerki Jardunaldietan. Presio gehiago zuentzat?
Ilusio berezia egiten dit. Izan ere, orain dela 14 urte, 20 urterekin unibertsitateko antzerki taldean nengoenean, lan bat aurkeztu genuen Hezkuntza Esparruan. Caligularena egin nuen. Orduan bai nuela presioa, kaka eginda nengoen! Nire buruari esan nion ea bueltatuko nintzen berriz Eibarrera antzezlan bat egitera. 14 urte pasa dira, baina inoiz ez da beranduegi.
-Aurten euskerazko lanekin zabaldu eta itxiko dira jardunaldiak. Euskarazko antzerkia aldarrikatu beharra dago?
Hori da. ‘Ipar haizearen kontra’ lanarekin itxiko dira jardunaldiak. Aurten maila handiko 4-5 lan estreinatu dira Euskal Herrian. Euskal antzerkigintzak apustu handia egin du eta afizioa sortzeko moduko lanak dira. Ea jendea animatzen den euskarazko lanak ikustera.  Beti iruditzen zaigu, pelikulekin gertatzen den bezala, lanek galdu egiten dutela euskeraz, baina pentsatzen dut etxean maila dagoela eta zorte handia dugula. Euskerazko antzerkiari bere garrantzia eta lekua eman behar zaio. ‘Ipar haizearen kontra’ gazteleraz ere egingo da, seguruenik gurea ere geroago, baina euskeraz abiatu diren produkzioak dira.

HAUTSKUNDEAK 2011-2 AZAROA

Elkarrizketak

subir

  • Alkategaiei galdezka: Miguel de los Toyos (PSE-EE)

    Domekarako, maiatzaren 24rako Udal eta Batzar Nagusietarako hauteskundeak daude deituta gurean. Oraingoan herritarrengandik gertuen dagoen erakundean zeintzuk egongo diren aukeratzea egokitzen zaigu, hau da, datozen lau urteotan gure udaleko alkatea eta zinegotziak zeintzuk izango diren botoa ematera joango diren eibartarren bozkek erabakiko dute. Bost alderdik dihardute udaletxeko jarlekuak betetzeko lehian eta guk egindako hiru galderei emandako erantzunak batu ditugu.

    - Zer izan da azken legegintzaldiaren onena eta txarrena?Onena: Krisi garaian ere, eta udal-talde...


  • Alkategaiei galdezka: Igone Lamarain (EH Bildu)

    Domekarako, maiatzaren 24rako Udal eta Batzar Nagusietarako hauteskundeak daude deituta gurean. Oraingoan herritarrengandik gertuen dagoen erakundean zeintzuk egongo diren aukeratzea egokitzen zaigu, hau da, datozen lau urteotan gure udaleko alkatea eta zinegotziak zeintzuk izango diren botoa ematera joango diren eibartarren bozkek erabakiko dute. Bost alderdik dihardute udaletxeko jarlekuak betetzeko lehian eta guk egindako hiru galderei emandako erantzunak batu ditugu.

    - Zer izan da azken legegintzaldiaren onena eta txarrena?Txarrena: udal gobernua eta herritarren...


  • Alkategaiei galdezka: Eva Juez (EAJ-PNV)

    Domekarako, maiatzaren 24rako Udal eta Batzar Nagusietarako hauteskundeak daude deituta gurean. Oraingoan herritarrengandik gertuen dagoen erakundean zeintzuk egongo diren aukeratzea egokitzen zaigu, hau da, datozen lau urteotan gure udaleko alkatea eta zinegotziak zeintzuk izango diren botoa ematera joango diren eibartarren bozkek erabakiko dute. Bost alderdik dihardute udaletxeko jarlekuak betetzeko lehian eta guk egindako hiru galderei emandako erantzunak batu ditugu.

    - Zer izan da azken legegintzaldiaren onena eta txarrena?Onena: Hobekuntzak Jaurlaritzak ekarri...


  • Alkategaiei galdezka: Javier Nuñez (PP)

    Domekarako, maiatzaren 24rako Udal eta Batzar Nagusietarako hauteskundeak daude deituta gurean. Oraingoan herritarrengandik gertuen dagoen erakundean zeintzuk egongo diren aukeratzea egokitzen zaigu, hau da, datozen lau urteotan gure udaleko alkatea eta zinegotziak zeintzuk izango diren botoa ematera joango diren eibartarren bozkek erabakiko dute. Bost alderdik dihardute udaletxeko jarlekuak betetzeko lehian eta guk egindako hiru galderei emandako erantzunak batu ditugu.

    - Zer izan da azken legegintzaldiaren onena eta txarrena?Onena: Abian ipini diren proiektuak edo...


  • Alkategaiei galdezka: Itoitz Garcia-Anton (Eibar Irabazi)

    Domekarako, maiatzaren 24rako Udal eta Batzar Nagusietarako hauteskundeak daude deituta gurean. Oraingoan herritarrengandik gertuen dagoen erakundean zeintzuk egongo diren aukeratzea egokitzen zaigu, hau da, datozen lau urteotan gure udaleko alkatea eta zinegotziak zeintzuk izango diren botoa ematera joango diren eibartarren bozkek erabakiko dute. Bost alderdik dihardute udaletxeko jarlekuak betetzeko lehian eta guk egindako hiru galderei emandako erantzunak batu ditugu.

    - Zer izan da azken legegintzaldiaren onena eta txarrena?Onena: Lehena izan dela terrorismorik...


  • Virginia Basurto (Alboan): “Mineralen ustiapena erabiltzen dute talde armatuek beraien egitekoa finantziatzeko”

    Hilaren 19an, martitzenean, “Zure mugikorrak ezkutatzen duena” dokumental-hitzaldia eskainiko du Alboan gobernuz kanpoko erakundeko teknikaria den Virginia Basurto eibartarrak ...eta kitto!ko lokaletan. Alboanek martxan jarritako kanpainaren bitartez, Kongon gertatzen ari dena jakinarazi nahi zaio jendeari. “Finantziazio horrekin amaitu nahi badugu, enpresei eta politikariei esan beharko diegu ez ditugula nahi odolez zikindutako mineralak gure mugikor, ordenagailu edo tabletetan”.

    - Zer gertatzen ari da Kongon?Kongon ia 20 urtean ari dira "isilpeko" gerra batean. Gatazkaren...


  • Nerea Blasco, zumba irakaslea: "Edozeinek dantzan egiteko koreografiak egingo ditugu"

    Bihar 16.00etatik 18.00etara bitartean zumba maratoi solidarioa egingo da Ipurua kiroldegian, Gipuzkoako Kirol Egokituko Federazioarentzat dirua batzeko asmoz. Ekimena antolatzeko ideia gaur egun Gasteizen bizi den Nerea Blasco eibartarrak izan zuen eta, hainbaten laguntzari esker, zapatu arratsaldea zumba-ren erritmora kirol pixkat bat eginda ederto pasatzeko aukera izango du nahi duen guztiak eta, gainera, Kirol Egokituko Federazioari lagunduko dio.

    - Nolatan bururatu zaizu zumba maratoi solidarioa antolatzea?Nere ahizpak Gipuzkoako Kirol...


  • Luz Maceira, ikertzailea: "Emakumeen aztarnak batuta, iragana berreraiki nahi dugu"

    Badira hilabete batzuk "Emakumeen Aztarnak Eibarko Industrializazio-prozesuan" izenburuko proiektua abiatu zela. Luz Maceira, Zaida Fernandez eta Savina Lafita gure herriko emakumeek iraganean eta, batez ere, industrializazio prozesuan bete zuten tokia eta izan zuten garrantzia aztertzen dabiltza, udalak eta Andretxeak lagunduta. Emakume horiei buruzko informazioa batzeko orduan aparteko garrantzia daukate hilean behin Untzagako jubilatu etxean egiten dituzten bilera irekiek. Parte hartzen animatzen direnek gaiaren inguruan dakitena bilerara joandako beste guztiekin partekatzen dute eta, horrela, bildutakoen artean sortzen joaten diren elkarrizketen bitartez emakume horien aztarnak batzen joaten dira, gerora aztarna horien mapa osatzeko asmoz. Ikertzaileetako batek, Luz Maceirak azaldu dizkigu proiektuaren nondik norakoak.

    - Nolatan ekin zenioten "Emakumeen Aztarnak Eibarko Industrializazio-prozesuan"...


  • Nuria eta Sofia, musikariak: “Kontzertuekin dirua lortuz gero, maketa grabatu nahi dugu”

    Musika txikitatik arnastu duten lagun minak dira. Nuria Robleño (pianojolea) eta Sofia Machin (abeslaria) taldea osatu berri dute. Izena? Oraindik ez dakite. “Nuria and Sofia” izenpean irekiko dute Youtube kanala haien grabaketak igotzeko. “Ez ditugu bideo kutreak igo nahi, profesionaltasunez hasi nahi dugu”, horrela, lagundu nahi dieten bideo sortzaile adituei mezua bidaltzen diete. Bien bitartean, …eta kitto!-ko sare sozialetara aurrerapen txiki bat igo dugu.

    - Nola bururatu zitzaizuen taldea sortzea?Lagun minak izan gara beti eta musika kontuetan ibili...


  • Gaztelerarekin arazoak dituzten euskaldun zaharren Kluba Eibarren

    Datorren martxoaren 10ean, martzitzena, “Erdaldun berrien kluba” bakarrizketa eskainiko digu Olatz Pagalday eskoriatzarrak Portalean, arratsaldeko 19:00etan. 19. Korrika Kulturalaren barruan ...eta kitto!-k antolatutako ekitaldietako bat da eta euskararen erabileraren inguruko gogoeta bultzatu nahi du jendearengan. Beti ere umore klabean eta ikusleei ikuskizun alaia eta atsegina eskaintzeko asmoz.

    - Zer da “Erdaldun berrien kluba”?Batetik, Erdaldun Berrien Kluba, Arrasateko AED elkarteak...


bajar

Blog-ak

subir

bajar

Kudeaketa

Diseinua eta gauzatzea

Laguntzailea