Gauez, 22:45ean sartuko da 20. Korrika Eibarren, Uni Eibar-Ermua parean lekukoa hartuta
2017/04/07
eta kitto!
Uni Eibar-Ermuan hartuko du Eibarrek 20. Korrikaren lekukoa 22:43ak inguruan. Otaola etorbidetik Ipuruara joko du Eroskiko aldapa igoz, eta handik Untzagaraino jaitsiko da; gero, Calbeton kaletik Bidebarrietara ailegatuko da, eta Julian Etxeberriatik Untzagaraino iritsiko da berriz Toribio Etxebarria kalea igaroz; bigarren aldiz Calbeton igaroko du Korrikak eta Bidebarrieta, Urkizu, Barrena eta Azitain pasa ostean, Mail lantegian emango da azken lekukoa gure herrian. Handik, Soraluzera joko du Korrikak. Eibarren egingo duen ibilbidea eta lekuko aldaketak beheko irudian ikus ditzakezue:
