Bihar izango da VIII. Lore, Landare eta Zuhaitz azoka Urkizun
2018/03/16
eta kitto!
Udaberriko lore eta landare azoka egingo da bihar Urkizun, Debemen elkarteak eta Eibarko Udalak antolatuta. Goizeko 09:00etan zabaldu eta 14.00etan itxiko dute eta, tartean, 11:30ean lorak landatzeko tailerra eskainiko dute. Aurreko urteetan bezala, oriangoan ere mota askotako produktuak bilduko ditu azokak: sasoiko landare eta lore aukera zabala, landare apaingarriak, landare usaintsuak, jatekoak, sendabelarrak, kaktusak… Horrekin batera, artisauek ekoiztutako produktu kosmetikoak eta osagarri naturalak ere egongo dira salgai, baita landatzeko haziak ere.
