Ertibil Bizkaia 2015 gaurtik aurrera Portalean ikusgai

Ertibil Bizkaia 2015 gaurtik aurrera Portalean ikusgai
2015/09/29 eta kitto!

Bizkaiko Foru Aldundiaren Kultura Sailak Bizkaiko hainbat udalerrirekin lankidetzan antolatutako "Ertibil Bizkaia 2015" ikus-arteen erakusketa ibiltaria lehenengoz ailegatuko da Gipuzkoara, gaur (martitzena, hilak 29) 18.30etan Portalean inauguratuko duten erakusketarekin. Betiko bideari jarraituz, erakusketan artista gazte bizkaitarren lanak egongo dira ikusgai. Andere Etxegarai, Cristian Villavicencio eta Amaia Molinet sarituekin batera, Ana Aldama, Maria Andres, Julen Araluze, Raquel Asens, Xabier Barrios, Pedro Carnicer, Marta Faus, Maria de Viana, Ivan Gomez, Amaia Gracia, Maite Leyun, Edurne Martinez, Damaris Pan, Ruben Pino, Ana Riaño, Sebas Velasco eta Diego Vivanco aukeratu dituzte euren lanekin parte hartzeko. Portaleko erakusketa aretoa martitzenetik barixakura bitartean egongo da zabalik, 18.30etatik 20.30etara.