Guraso Berbalagunak Azpeitiko Tren Museoan
2016/04/27
eta kitto!
Joan den larunbatean, ...eta kitto! Euskara Elkarteak antolatzen duen Gurasoak Berbetan egitasmoaren barruan, talde politak egin zuen bat Azpeitiko Tren Museora egindako bisitarekin. Guraso berbalagunek, seme-alabek lagunduta, goizean goiz ekin zioten egunari. 11:00etan museoa bisitatu, eta ondoren, 12:00etan lurruneko trenean 40 minutuko bueltatxoa eman zuten. Behin bisita amaituta, hala nahi izan zutenek, Añota sagardotegian elkarrekin bazkaltzeko aukera izan zuten.
