Aro berria hasiko du Sostoak bihar Karmelitetan emango duen kontzertu sakroarekin

Sostoa abesbatzak urtero egiten du musika sakroari eskainitako kontzertua eta aurten ere hala egingo du, zapatu arratsaldean, Karmengo Amaren elizan (Karmelitetan). Emanaldian elizako kantuak abestuko dituzte, 20:00etatik aurrera, baina kontzertua hasi baino lehen, 19:00etan hasiko den mezan ere kantatu egingo dute. Sostoako kideek azaldu digutenez, “kontzertu berezia izango da, zuzendari berriarekin egingo dugun lehena izango delako. Horregatik jende guztia etortzera animatu nahi dugu, abesbatzaren aro berria hasteko emango dugun kantaldiarekin disfrutatu egingo dute eta”.