Berdinduk genero-identitateari buruzko informazioa emango die LGTBI pertsonei

0    Berriak, Eibar 
ETA KITTO
Berdinduk genero-identitateari buruzko informazioa emango die LGTBI pertsonei
ETA KITTO 2021, Api 30

Eusko Jaurlaritzako Berdintasun, Justizia eta Gizarte politiketako Sailak ezarritako Berdindu zerbitzuaren berri eman du Udaleko Berdintasun Sailak. Zerbitzu honek informazioa eta arreta eskaintzen die lesbiana, gay, trans, bisexual eta intersexualei (LGTBI), bai eta haien inguruneari ere.

Berdinduk arreta, informazioa eta orientazioa eskainiko die erabiltzaileei sexu-orientazioari eta genero-identitateari buruz. Horrekin batera, laguntza emozionala eta soziala emango du haien kontzientzia hartzeko. Halaber, gizarteratze-sareetarako sarbidean orientazioa ematea planteatzen da.

Bestalde, babesa eta orientazioa bilatuko ditu eskubideak defendatzeko eta LGTBIfobiaren biktimei arreta eta laguntza emango zaie. Gainera, senitartekoei eta hurbilekoei ere aholkularitza emango zaie.

Laguntza-taldeak

Familiei laguntzeko taldeei ere emango zaie arreta. Gainera, zeinu-mintzairan edo euskara edo gaztelania ez den beste hizkuntza batean hitz egin behar badute, aldi bereko itzulpen-zerbitzu berri bat dute. Horrez gain, sexu-eta genero-aniztasunari buruzko aholkularitza eskainiko die edozein erakunde publiko edo pribaturi.

Informazio gehiago nahi izanez gero, helbide honetara jo daiteke: berdindu.gipuzkoa@gmail.com, edo telefonoan. 943 216 551.
Ordutegia: asteartetik ostiralera 10: 00etatik 13: 00etara eta astelehenetik ostiralera 16: 00etatik 19: 00etara.

 

Gaiarekin zerikusia duten albisteak

« »