Bihar zabalduko dute Udako Merkealdien Azoka Toribio Etxebarria kalean

Bihar goizean, 09:45ean inauguratuko dute Udako Merkealdien Azoka Toribio Etxebarria kalean eta hiru egunetan, eguaztenetik barixakura egongo da zabalik, egun osoan, 10:00etatik 20:00etara. Orotara 30 dendek hartuko dute parte: horietako 18 karpetan egongo dira eta beste 12 dendarik beraien saltokietan egingo dituzte eskaintza bereziak, Eibar Merkataritza Gune Irekiak eta Udalak sustatutako azokan. Kalean saltokia jarriko dutenak Bambi, Beittu, Burbujas y Más, Designed by Nona, Eskulan, Farmalur, Gigil Design, Gratzina, Guby, Helmet House, Hop Skate Shop, Ikusi, I Love 10€, Kopiña, No Comment, Otaola Deskantsu Denda, Pissa eta Txukun dira. Eta eskaintzak dendetan egingo dituztenak Askasibar, Cedry, Comercial Zabala, Eleventh Moon, Federopticos Igmar, Lahidalga, Los Chicos, Marais, Oskarbi, Twins, Vieco eta Zentral Optika dira.

Euskeraz Primeran!

Beste batzuetan bezala, oraingoan ere Euskeraz Primeran! kanpainak bere txokoa izango du azokan. Herriko ostalari eta dendarien artean euskararen erabilera handitzea du helburu kanpainak, baina ekimen honekin herritarren artean ere zabaldu nahi du gutxienez lehenengo berba euskaraz egiteko konpromisoa. Horretarako prest daudenek joko dibertigarri eta erraz batean parte hartzeko aukera izango dute eta, erosketa-poltsa jasotzeaz gain, Eibar Merkataritza Gune Irekiak emandako 100 euroko erosketa-txartelaren zozketan sartuko dira. Zozketa barixaku eguerdian egingo da, 12:30ean.