Gipuzkoako Foru Aldundiko eraikinetako garbitzaileek protesta egin dute gaur Egogain gerontologikoan
2022/05/06
eta kitto!
Gaur hamabigarren greba eguna izan dute Gipuzkoako Foru Aldundiko eraikinen garbiketarako azpikontratatutako langileek eta, eguerdian, protesta egiteko elkarretaratzea egin dute Legarren, Egogain gerontologia zentruaren parean. ELA, LAB eta ESK sindikatuek deitutako grebaren jarraipena “positibotzat” jo dute sindikatuetako ordezkariek: “Langile horiek apirilaren 25ean hasi zuten greba, eta maiatzaren 7an amaituko da. Negoziazio kolektiboan KPIa ziurtatzeko borrokan ari dira. Patronalaren immobilismoaren aurrean, bere planteamenduari buruzko mugimendurik egin gabe jarraitzen du: 2021erako soldatak izoztea, 2022rako % 1,5eko igoera eta 2023rako % 1,75eko igoera. Apirilaren 5ean egindako azken bileran patronalak oso argi utzi zuen bere jarrera, oraindik ere ez du KPIri lotutako planteamendu ekonomikorik egin nahi”.
ELA, LAB eta ESK sindikatuek Foru Aldundiaren jarrera salatu nahi dute: “Nahiz eta ziurtatu ezin duela oztopatu hitzarmenaren negoziazio kolektiboa, garbitzaileak EULENeko langileak baitira, bai, ordea, beren tresna guztiak erabiltzen dituztela langileei presioa egiteko. Grebaren lehen egunean, Ertzaintzak bi langile identifikatu zituen greba- eta manifestazio-eskubidea erabiltzeagatik. Aldundiak lehenengo egunetik agindu zuen greba-batzordeko kideak lantokietara ez sartzeko. Laugarren egunean jaso zituen Aldundiak sindikatuen aholkulariak, eta eskura eman ziguten lantokietara sartzeko baimena. Aldundiak hasiera-hasieratik presioa egin du Egogain zentroan ezarritako gutxieneko zerbitzuak handitzeko. Izan ere, inplikatutako alde guztiak deitu gintuzten premiazko bilera batera astelehenean, maiatzak 2, Laneko Lurralde Ordezkaritzan. Egun horretan bertan, gutxieneko zerbitzuak aldatzeko ebazpena eman zen, eta hori guztiz salagarria da, apirilaren 21eko Aginduan ezarritako lanak garbiketako langileak egiten ari baitziren”.
Hala eta guztiz ere, emakume langileak “indartsu” eta “KPIri lotutako soldata-igoerak lortzeko borrokarekin aurrera jarraitzeko prest” daudela adierazi dute, “KPI barik hitzarmenik ez dagoela” azpimarratuta.
ELA, LAB eta ESK sindikatuek Foru Aldundiaren jarrera salatu nahi dute: “Nahiz eta ziurtatu ezin duela oztopatu hitzarmenaren negoziazio kolektiboa, garbitzaileak EULENeko langileak baitira, bai, ordea, beren tresna guztiak erabiltzen dituztela langileei presioa egiteko. Grebaren lehen egunean, Ertzaintzak bi langile identifikatu zituen greba- eta manifestazio-eskubidea erabiltzeagatik. Aldundiak lehenengo egunetik agindu zuen greba-batzordeko kideak lantokietara ez sartzeko. Laugarren egunean jaso zituen Aldundiak sindikatuen aholkulariak, eta eskura eman ziguten lantokietara sartzeko baimena. Aldundiak hasiera-hasieratik presioa egin du Egogain zentroan ezarritako gutxieneko zerbitzuak handitzeko. Izan ere, inplikatutako alde guztiak deitu gintuzten premiazko bilera batera astelehenean, maiatzak 2, Laneko Lurralde Ordezkaritzan. Egun horretan bertan, gutxieneko zerbitzuak aldatzeko ebazpena eman zen, eta hori guztiz salagarria da, apirilaren 21eko Aginduan ezarritako lanak garbiketako langileak egiten ari baitziren”.
Hala eta guztiz ere, emakume langileak “indartsu” eta “KPIri lotutako soldata-igoerak lortzeko borrokarekin aurrera jarraitzeko prest” daudela adierazi dute, “KPI barik hitzarmenik ez dagoela” azpimarratuta.
