Markatu euskeraren laukia
2019/05/17
09:52
eta kitto!
Ogasunarekin kontuak egiteko sasoia da. Zenbakien hizkuntza unibertsala da, baina administrazioarekin harremana izateko orduan norberak erabakitzen du zein hizkuntza erabili. Eibartarrek errenta aitorpena euskaraz egitera animatzeko asmoz, Udaleko Euskera Batzordeak ‘Eibarren 1.500 baietz!’ kanpaina jarri du martxan. Errenta aitorpena egitea erronka da; euskeraz egitea, herritarren aukera.
Arragueta kalean dago Gipuzkoako Ogasunaren egoitza. Hilabete hauetan aldez aurretik zita egin duen jendez beteta egon ohi da goiz osoan zehar eta kalkulagailuak sutan daude. Zenbakiak gora eta behera, Elena Etxarri errenta kanpainako arduradunak administrarien zalantzak argitzen ditu herritarren errenta aitorpena zuzen egiteko asmoz. “Ni ez naiz herritarrekin zuzenean egoten, baina nire tokitik entzun dezaket jendeak zein hizkuntza erabiltzen duen gurekin harremana izateko orduan eta urte guztiko joera mantentzen dela esango nuke”, erantzun zigun euskeraren erabilera hazi egin ote den galdetzean. “Bulegoaren sarreran errenta aitorpena euskeraz egiteko azalpenak jasotzen dituzten panfletoak ditugu eta mahai bakoitzean kartelak eta pegatinak ditugu jendeak errenta euskeraz egitera animatzeko”.
Iazko errenta kanpainan 1.209 eibartarrek aukeratu zuten euskera Foru Ogasunarekin harremanak izateko hizkuntza moduan, hau da, herritarren %10 inguru (2016an 1.217 izan ziren, 2015ean 1.081, 2014an 1.028 eta 2013an 1.000). Aurtengo helburua 1.500 eibartarrek errenta aitorpena euskeraz egin dezaten lortzea da.
Hizkuntza teknikoarentzat hiztegia
Errenta aitorpena egiteko orduan herritarrek euskeraz edo gazteleraz egitea aukeratu dezakete, hau da, dokumentu ofizialak zein hizkuntzatan bete. “Batzuetan gertatzen da jendeak dokumentu hauek nahiago dituela gazteleraz egin, hizkuntza teknikoa erabiltzen denez gazteleraz hobeto moldatzen direlako. Gero, ordea, gurekin harremana euskeraz izaten dute bulegoan kasu batzuetan”. Errenta aitorpena gazteleraz egiteko arrazoia hizkuntza teknikoa bada, Arraguetako bulegoan hiztegi bat dago eskura berba tekniko horien azalpenarekin. “Pertsona nagusiek, orokorrean, gaztelera erabili izan dute kontuak egiteko eta, adibidez, gerta daiteke kenkaria berba zer den ez jakitea. Horretarako jarri dugu hiztegia euren eskura”. Bere ustez gazteek nagusiek baino gehiago aukeratzen dute euskera errenta egiteko orduan, ohituago daudelako kontuak euskeraz egiten.
Foru Ogasunaren bulegoan gertatzen dena “herriaren isla” dela uste du Etxarrik. “Errenta kanpainan ez dugu nabaritzen hizkuntza ohituretan aldaketarik egon denik urte guztian eskaintzen dugun arretarekin alderatuta. Antzekoa da”. Aipatzekoa da, bestetik, Arraguetako bulegoak eskualde osoko jendea hartzen duela.
Hiru aukera
Errenta aitorpena egiteko hiru modu daude eta guztiak egin daitezke euskaraz. Autolikidazio proposamena jasoz gero, onartzerakoan euskeraz egin nahi dela esan eta aurrerantzean Ogasunak agiriak euskeraz bidaliko ditu; modu mekanizatuan eginez gero, hitzordua aukeratzerakoan Ogasunarekin harremana euskeraz eduki nahi dela adierazi daiteke; eta internet bidez egiten bada, errenta programaren euskerazko bertsioa jaitsi daiteke eta hobetsitako hizkuntza atalean euskera aukeratu. Bestetik, aitorpena aholkularitza bitartez eginez gero, aitorpena euskeraz egin nahi dela adieraztea besterik ez dago.
Aitorpenak aurkezteko epea uztailaren 1era arte egongo da zabalik. Edozelan ere, hitzordua eskatzeko zein zalantzak argitzeko 902 100 040 telefonora deitu daiteke.
Arragueta kalean dago Gipuzkoako Ogasunaren egoitza. Hilabete hauetan aldez aurretik zita egin duen jendez beteta egon ohi da goiz osoan zehar eta kalkulagailuak sutan daude. Zenbakiak gora eta behera, Elena Etxarri errenta kanpainako arduradunak administrarien zalantzak argitzen ditu herritarren errenta aitorpena zuzen egiteko asmoz. “Ni ez naiz herritarrekin zuzenean egoten, baina nire tokitik entzun dezaket jendeak zein hizkuntza erabiltzen duen gurekin harremana izateko orduan eta urte guztiko joera mantentzen dela esango nuke”, erantzun zigun euskeraren erabilera hazi egin ote den galdetzean. “Bulegoaren sarreran errenta aitorpena euskeraz egiteko azalpenak jasotzen dituzten panfletoak ditugu eta mahai bakoitzean kartelak eta pegatinak ditugu jendeak errenta euskeraz egitera animatzeko”.
Iazko errenta kanpainan 1.209 eibartarrek aukeratu zuten euskera Foru Ogasunarekin harremanak izateko hizkuntza moduan, hau da, herritarren %10 inguru (2016an 1.217 izan ziren, 2015ean 1.081, 2014an 1.028 eta 2013an 1.000). Aurtengo helburua 1.500 eibartarrek errenta aitorpena euskeraz egin dezaten lortzea da.
Hizkuntza teknikoarentzat hiztegia
Errenta aitorpena egiteko orduan herritarrek euskeraz edo gazteleraz egitea aukeratu dezakete, hau da, dokumentu ofizialak zein hizkuntzatan bete. “Batzuetan gertatzen da jendeak dokumentu hauek nahiago dituela gazteleraz egin, hizkuntza teknikoa erabiltzen denez gazteleraz hobeto moldatzen direlako. Gero, ordea, gurekin harremana euskeraz izaten dute bulegoan kasu batzuetan”. Errenta aitorpena gazteleraz egiteko arrazoia hizkuntza teknikoa bada, Arraguetako bulegoan hiztegi bat dago eskura berba tekniko horien azalpenarekin. “Pertsona nagusiek, orokorrean, gaztelera erabili izan dute kontuak egiteko eta, adibidez, gerta daiteke kenkaria berba zer den ez jakitea. Horretarako jarri dugu hiztegia euren eskura”. Bere ustez gazteek nagusiek baino gehiago aukeratzen dute euskera errenta egiteko orduan, ohituago daudelako kontuak euskeraz egiten.
Foru Ogasunaren bulegoan gertatzen dena “herriaren isla” dela uste du Etxarrik. “Errenta kanpainan ez dugu nabaritzen hizkuntza ohituretan aldaketarik egon denik urte guztian eskaintzen dugun arretarekin alderatuta. Antzekoa da”. Aipatzekoa da, bestetik, Arraguetako bulegoak eskualde osoko jendea hartzen duela.
Hiru aukera
Errenta aitorpena egiteko hiru modu daude eta guztiak egin daitezke euskaraz. Autolikidazio proposamena jasoz gero, onartzerakoan euskeraz egin nahi dela esan eta aurrerantzean Ogasunak agiriak euskeraz bidaliko ditu; modu mekanizatuan eginez gero, hitzordua aukeratzerakoan Ogasunarekin harremana euskeraz eduki nahi dela adierazi daiteke; eta internet bidez egiten bada, errenta programaren euskerazko bertsioa jaitsi daiteke eta hobetsitako hizkuntza atalean euskera aukeratu. Bestetik, aitorpena aholkularitza bitartez eginez gero, aitorpena euskeraz egin nahi dela adieraztea besterik ez dago.
Aitorpenak aurkezteko epea uztailaren 1era arte egongo da zabalik. Edozelan ere, hitzordua eskatzeko zein zalantzak argitzeko 902 100 040 telefonora deitu daiteke.
