Hasi da "Hitzen nahaste-borrastea" lehiaketaren bigarren fasea

Eibarko Euskarak, herriko bi euskaltegiekin elkarlanean antolatutako Hitzen nahaste-borrastea lehiaketaren bigarren zatia hasi da: lehiakideek bidali dituzten mezu nahasi guztiak www.eibarko-euskara helbidera igo dituzte eta orain herritarrei dagokie parte hartzea, mezu horiek zuzenduta. Helbide horretan aurkituko duzuen hitzen nahaste-borraste taula deskargatu eta, nahastutako hitzak ordenatu ondoren, mezuak zuzen jartzen joan behar da. Amaitzean, erantzun zuzenekin osatutako taula euskara@eibar.eus helbidera bidali behar da, apirilaren 2a baino lehen. Mezu gehien zuzen ematen dituenak irabaziko du lehiaketa. Saria Coliseorako emanaldietarako sarrerak eta Armagintzaren museorako sarrerak izango dira.

Nola parte hartu:

• Sartu Hitzen nahaste-borrastea loturan eta deskargatu hitzen nahaste-borraste taula.


• Jarri hitz bakoitza dagokion lekuan eta osatu mezu zuzena.


• Bidali erantzunak euskara@eibar.eus helbidera.