Euskera mahai guztietara eramatea proposatzen digute Euskaralditik

Euskaraldiaren eskutik martxan dagoen Etxealditik Euskaraldira ekimenak aurrera jarraitzen du. Horren harira gaurko prestatu dutenaren arabera, “elkarrekin bilduta gaudenean, edozein momentu baliatu dezakegu hizkuntza-ohiturak aldatzeko. Igandea izanik, jatordua izan daiteke une horietako bat?”.


Hona gaurko proposamena: “Eraman dezagun euskera Euskal Herriko mahai guztietara! Eta, gogoratu, proposamena gauzatuz gero, partekatu ekimenean parte hartzen ari diren guztiekin”. Horretarako, erabili @euskaraldia eta #EtxealditikEuskaraldira zure argazki eta bideoa sare sozialetan partekatzeko.