Errefuxiatuen egoerari buruzko hitzaldia eguaztenean Portalean
2015/10/20
eta kitto!
Eguaztenean (urriaren 21ean) "Errefuxiatuen gaur egungo egoera" hitzaldi informatiboa emango dute CEAR Errefuxiatuari Laguntzeko Euskadiko Komisiokoek Portalean (areto nagusian), 19:30etan hasita. CARE Errefuxiatuei Laguntzeko Eibarko Komiteak antolatutako saioan Patricia Barcena eta Javier Galparsoro elkarteko ordezkariekin batera Miguel de los Toyos alkateak jardungo du berbetan, eta hitzaldia amaitzean jendearen galderei erantzuteko eta zalantzak argitzeko tartea egongo da.
