Arrate Eibar Eskubaloiak Zaragozan jokatuko du igoera fasea
2022/05/02
10:26
eta kitto!
Gure herriko eskubaloiko emakumezkoen lehen taldeak hilaren 13tik 15erako asteburuan jokatuko du mailaz igotzeko hurrengo fasea. Zaragozan jokatuko dute eibartarrek eta C multzo horretan bertako Imdeam La Jota, Balonmano Montequinto eta Eon Horneo Alicante izango dituzte aurkari lehen postua eskuratzeko borrokan. Zilarrezko mailarako igoera jokoan dagoen lehiaketa hori erronka zaila izango da Arrate Eibar Eskubaloiarentzat, baina aurretik ere ezusteko bat baino gehiago eman dituzte gure herriko jokalariek eurentzat berria zen mailan eta duten onena eskainiko dute oraingoan ere.
