Domekako mendi-igoerarekin hasiko du denboraldia Eibar Eskubaloi taldeak

Domeka goizean Eibar Eskubaloiko taldeek, entrenatzaile, bazkide eta zaleekin batera, Arraterainoko ibilbidea egingo dute azken urteotako ohiko ohiturari jarraituz. Hori bai, oraingoan (pandemia dela-eta) igoera tarteka egingo dute Azitaingo frontoitik, ordutegi honi jarraituta: eskubaloi eskolakoek 11:30ean irtengo dute, infantilek 11:45ean, kadeteek 12:00etan, jubenilek 12:15ean eta, azkenik, seniorrek, jarraitzaile eta bazkideekin batera, 12:30ean abiatuko dira.

Behin Arraten, 12:30ean lore-eskaintza egingo diote Amabirjinari eta, handik ordu erdira, 14:00etan, Arrateko zelaian talde-argazki erraldoia aterako dute. Aurtengoa urte berezia da Eibar Eskubaloia taldearentzat, kluba sortu zutela 10 urte betetzen direlako eta, horrez gain, JD Arrateren sorreraren urtemuga ere badelako.