Eibar izango da Itzuliko azken etaparen hasiera eta helmuga
2022/02/09
eta kitto!
Gaur aurkeztu dute 2022ko Itzulia eta, aurreratu genuen bezala, Hondarribian hasi eta Arraten izango du amaiera. Txirrindulariek 882,2 kilometro egin beharko dituzte Arrateko helmuga gurutzatu aurretik eta munduko txirrindulari onenek hartuko dute parte proba honetan.
Lehen etapa Hondarribian jokatuko da apirilaren 4an. Azken urteetan arrakasta izan duen formatuari jarraituz, 7,5 kilometroko erlojupekoarekin hasiko dute proba Hondarribiko paisaia ikusgarrien inguruan.
Bigarren etapa Leitzan hasi eta Vianan amaituko da. “Itzuliko etaparik luzeena; irteera gogorra izango da orografiagatik. Ziurrenik ihes txikiren bat sortuko da, baina zaila izango dute helmugara iristea, bezperako aldea segundo gutxikoa izango baita. Baliteke azken kilometroetan airea aurkitzea. Esprintetarako etapa aproposa da, talderen batek kontrolatu nahi badu”, diote antolatzaileek.
Hirugarren etapa Laudio eta Amurrio artean lehiatuko da. Antolatzaileek diotenez mamia eduki dezakeen etapa izango da. “Bi zatitan bana daiteke: lehena nahiko erraza izango da Laudiora iritsi arte, eta orduan bigarren zatian sartuko gara: hankak hausteko moduko zirkuitu bati bi bira eman beharko zaizkio, tartean errepide estuetatik igaroz, eta tropelean tentsio handia sortuko da tropelburuan kokatzeko”, diote.
Laugarren etapak Gasteizen izango du hasiera eta Zamudioko Ingeteam Parkean amaiera. Txirrindulariek 185 kilometro inguru egin beharko dituzte eta, antolatzaileek diotenez, “hasieratik lehia bizia egongo da, ihesa irits daitekeelako. Lurzorua oso “nekeza” izango da. Amaieran igoera gogorra egongo da eta Sailkapen Orokorreko txirrindulariek aldeak lor ditzakete”.
Azken aurreneko etapa, bosgarrena, Eibartik hurbil amaituko da, Mallabian. Zamudion izango du hasiera eta ibilbide gora-beheratsua igaro beharko dute 163,8 kilometrotan.
Azken etapa, apirilaren 9an jokatuko dena, Eibarren hasi eta Arraten amaituko da (135,70 km). Antolatzaileen berbetan: “Itzuliko etapa nagusia izango da; hori esanda nahikoa da. Hasieratik oso etapa gogorra eta selektiboa izango da, eta Sailkapen Orokorreko txirrindulariek izango dute protagonismoa; talde zabala izatea garrantzitsua izango da etapa kontrolatu eta Arraten gailentzeko”. Txirrindulariak bi aldiz igoko dira Arratera, lehenengoan Azitainetik gora, Orbeko bidetik.
Lehen etapa Hondarribian jokatuko da apirilaren 4an. Azken urteetan arrakasta izan duen formatuari jarraituz, 7,5 kilometroko erlojupekoarekin hasiko dute proba Hondarribiko paisaia ikusgarrien inguruan.
Bigarren etapa Leitzan hasi eta Vianan amaituko da. “Itzuliko etaparik luzeena; irteera gogorra izango da orografiagatik. Ziurrenik ihes txikiren bat sortuko da, baina zaila izango dute helmugara iristea, bezperako aldea segundo gutxikoa izango baita. Baliteke azken kilometroetan airea aurkitzea. Esprintetarako etapa aproposa da, talderen batek kontrolatu nahi badu”, diote antolatzaileek.
Hirugarren etapa Laudio eta Amurrio artean lehiatuko da. Antolatzaileek diotenez mamia eduki dezakeen etapa izango da. “Bi zatitan bana daiteke: lehena nahiko erraza izango da Laudiora iritsi arte, eta orduan bigarren zatian sartuko gara: hankak hausteko moduko zirkuitu bati bi bira eman beharko zaizkio, tartean errepide estuetatik igaroz, eta tropelean tentsio handia sortuko da tropelburuan kokatzeko”, diote.
Laugarren etapak Gasteizen izango du hasiera eta Zamudioko Ingeteam Parkean amaiera. Txirrindulariek 185 kilometro inguru egin beharko dituzte eta, antolatzaileek diotenez, “hasieratik lehia bizia egongo da, ihesa irits daitekeelako. Lurzorua oso “nekeza” izango da. Amaieran igoera gogorra egongo da eta Sailkapen Orokorreko txirrindulariek aldeak lor ditzakete”.
Azken aurreneko etapa, bosgarrena, Eibartik hurbil amaituko da, Mallabian. Zamudion izango du hasiera eta ibilbide gora-beheratsua igaro beharko dute 163,8 kilometrotan.
Azken etapa, apirilaren 9an jokatuko dena, Eibarren hasi eta Arraten amaituko da (135,70 km). Antolatzaileen berbetan: “Itzuliko etapa nagusia izango da; hori esanda nahikoa da. Hasieratik oso etapa gogorra eta selektiboa izango da, eta Sailkapen Orokorreko txirrindulariek izango dute protagonismoa; talde zabala izatea garrantzitsua izango da etapa kontrolatu eta Arraten gailentzeko”. Txirrindulariak bi aldiz igoko dira Arratera, lehenengoan Azitainetik gora, Orbeko bidetik.
