Eibar kanporaketa gainditzera
2013/06/14
00:00
eta kitto!
Eibar KE-k aurrerapausu handia eman zuen Carlos Tartieren Oviedori 1-2 irabazita. Bihar, 19.30etan, Ipuruan jokatuko den itzulerako partidurako tartea dute eibartarrek emaitzarekin jokatzeko; hala ere, klubean ez dute “konfiantza larregirik nahi”. Sarrera guztiak salduta, Ipurua lepo beteko da eta segurua da Oviedotik ere zaletu mordoa etorriko dela. Eskozia La Bravak hainbat ekitaldi antolatu ditu partidua girotzeko: 12-00etan, herri-poteoa, Koskorren hasita; 15.00etan, bazkaria Eibar Rugby Taldearen karpan; 18.00etan, peñen kontzentrazioa Untzagan eta kalejira Ipuruaraino;18.45etan, Ipuruan sartu animatzen hasteko; eta 19.25etan, konfeti jaurtiketa.
