Gaur arratsaldean Eibartarrak-ek logotipo berria aurkeztuko du Arrate Kultur Elkartean

Badira 30 urte gure herriko futbol klub hori sortu zutela eta, bere sasoian batez ere emakumezkoen arloan eskuratutako lorpen handiez aparte, gaur egun bakarrik gizonezkoen taldeak dituen Eibartarrak-ek indartsu dihardu azken egoera berezi honi aurre egiten. Azken denboraldian ere sei talde osatu ditu klubak, harrobitik hasi eta Erregional mailako talderaino. Oraingoan logotipo berria aurkeztuko dute ordezkariek arratsaldeko 19:00etan Kultun hasiko den ekitaldian.

Juventusen kolorearekin jarraituko dute, hau da, zuri-beltzarekin, eta letretan urrezko tonua ere erabili dute Nahia Ferrer diseinatzaileak eta Maitane Camposek: “Logoa inbertituz gero, Eibartarrak-en E nabari daiteke logo berrian”. Badute aurrera jarraitzeko kemenik hiru hamarkadaren ondoren.