Asteburu osoko jaia antolatu du Ametsa tabernak bere 6. eta 7. urteurrena ospatzeko

Asteburu honetan ekitaldi bereziak egongo dira Ametsa tabernan, seigarren eta zazpigarren urteurrenak ospatzeko. “Azken bi urte hauetan ezin izan dugu urteurren-jairik egin, eta horregatik ilusio handiz egitarau berezia prestatu dugu asteburu honetarako”,  esan dute Ametsa tabernakoek. Horrela, ostiralean (apirilak 29) urdaiazpikoa mozten maisua den Gorka Cuesta  egongo da Ametsan, 19:30etik aurrera, urdaiazpiko guztia amaitu arte. Larunbatean, apirilak 30, musikak hartuko du protagonismoa, Jota Bejarano abeslariarekin, 19:30etik aurrera , eta DJ Juanma Cano-rekin 23:00etatik aurrera.

Igande eguerdian ere, maiatzak 1, zuzeneko musika egongo da Toribio Etxebarriako terrazan: Asturiasetik etorriko den "Música de sofá" taldearen musikarekin gozatzeko aukera paregabea izango dugu 13:30etik aurrera.