"Bide Zabalak" erakusketa gaurtik aurrera Portalean ikusgai

"Bide Zabalak" erakusketa gaurtik aurrera Portalean ikusgai
2013/01/25 eta kitto!

Gaur (barixakua, hilak 25) arratsaldean hasi eta otsailaren 24ra arte Bide Zabalak izenburuko erakusketa hartuko du Portaleko erakusketa aretoak, martitzenetik domekara 18.30etatik 20.30etara. Erakusketak hamar artistaren lanaren bidez baliabide berrien erabilpenaren aniztasuna agerian laga nahi du eta horretarako Silvia Abella, Patxi Araujo, Maialen Arozena, Xabier Barrios, Izaskun Etxebarria, Xabier Idoate, Mariana Martín, Silvia Ruiz, Jabier Villarreal eta Augusto Zubiaga EHUko Arte Ederren Fakultateko artisten lanak aukeratu dituzte.