Eibar tailer-hiria, urban sketchers-en begiradapean

Eibar tailer-hiria, urban sketchers-en begiradapean
2017/10/17 eta kitto!
"Paisaia bizia. Paisaien eraikuntza Gipuzkoan" lelopean ospatuko diren 2017ko Ondarearen Europako Jardunaldiak direla eta, Armagintzaren Museoak EUSK- Euskal Herria?s Sketchcrawl taldearekin batera “sketchcrawl-a” antolatu du urriaren 21rako, zapatua, neurri haundi batean bere industria jardueraren ondorioz Eibarrek duen paisaia nabarmentzeko helburuarekin.

Eibarko arkitektura industriala, lantegiak, tailerrak, etxebizitza-tailerrak eta eraikinen berezitasunak, auzoak eta 50eko eta 60ko hamarkadetako garapen urbanistikoa izango dira abiapuntua sketchcrawl bateko partaideen jardunaldia dinamizatzeko. Sketchcrawla urban sketchers-en geldialdia da eta Eibarren egingo da.

Sketchers, urban sketchers, etab. mundu mailako iniziatiba bat da; artistok bizi diren hiriak eta bidaietan ezagutzen dituzten tokiak marraztu eta marrazkiak sareetan konpartitzen dituzte publiko guztia ikus dezan. Honela, munduko beste leku batzuetan zer marraztu den ikusteko aukera dago. Gainera, geldialdiak (Sketchcrawl-ak) ere antolatzen dituzte. Mundu mailan aldi berean ospatzen dira, hiru hilabetetik behin edo. Partehartzaileak data berean baina leku ezberdinetan marraztu; eta emaitzak webean partekatzen dituzte.

Jarduera irekia da eta edozeinek har dezake parte; nahikoa da antolatutako geldialdian azaltzea.

Egitaraua

Eguna : urriak 21
Topaketa lekua:
Armagintzarena museoa 10:00etan
15:00etan Bazkaria . (Leku-kupuru mugatuak 10€)
18:00 bisita museora(Leku-kupuru mugatuak dohain)

Izenematea (derrigorrez bakarrik bazkarirakoeta bisita gidaturako):
943 708446
museoa@eibar.eus