Gaztetxeak ‘Konponfest’ hasiko du asteburuan eta ekintzaz beteko du maiatza

Gaztetxeak ‘Konponfest’ hasiko du asteburuan eta ekintzaz beteko du maiatza
2022/04/26 eta kitto!
Apirilaren 30etik maiatzaren 27ra arte, Eibarko gaztetxeak hainbat ekintza jasoko ditu astebururo ‘Konponfest’ jaialdiaren barruan.

Zapatuan, 20:30etatik aurrera, Hellwatch, Mad Angels, Sala Goait, Broken Legacy eta Bombadil Sound System (Basque Reggae Kultur) taldeek kontzertua eskainiko dute.

Hurrengo asteburuan, maiatzaren 7an, 10:00etan auzolana egingo dute eta 14:30ean bazkari musikatua hasiko da.

Maiatzaren 14an arratsaldean egingo dira ekintzak. 17:00etan mural margoketa eta futbolin txapelketa hasiko dira, eta 19:00etan pintxopotea egingo dute.

Maiatzaren 20an pintxopotea egingo dute baita ere, baina aurretik, 18:00etan, ping pong txapelketa egongo da.

Hurrengo egunean, 21ean, goizeko 10:00etan auzolana eta poteo eztabaidatua egingo dute; eta arratsaldean, 19:00etan, Enzisk2 eta Malakias taldeek kontzertua eskainiko dute.

Ekintzekin amaitzeko, maiatzaren 27an, 18:00etan pintxopotea hasiko da eta 22:00etatik aurrera Amildegi eta Galtzagorriak taldeek kontzertuak eskainiko dituzte.

gaztetxea konponfest kartela