‘Sorginak!’ erakusketa zabalduko dute barixakuan Portalean
2021/09/21
08:09
eta kitto!
Portaleak EmPoderArte AIMAren ‘Sorginak!’ erakusketa zabalduko du barixakuan, 19:00etan, eta urriaren 24ra arte egongo da zabalik (martitzenetik domekara 18:30etik 20:30era). EmPoderArte Emakume Artisten Nazioarteko Elkarteak Europan milaka emakumeren aurka egin zen genozidioa salatzen du erakusketa honetan. “Emakume haiek uko egin zioten sistema kapitalista-patriarkalaren aginduak jarraitzeari eta borroka egin zuten sendatzaile eta emagin gisa beren bizimodua defendatzearren. Historia horrek gaur egun ere oihartzun egiten jarraitzen du, emakumeen eta beren bizi-hautuen jazarpen sistematikoarekin”, diote antolatzaileek.
Aurkezpenean Nerea Ariznabarreta aktore eibartarrak hartuko du parte, ‘Sorginen kontuak’ izeneko performancearekin. Gainera, urriaren 7an, 19:00etan, bisita gidatua egingo da artistekin eta Estefania Ocampos, Esther Galarza eta Sara Beiztegi komisarioekin (izena emateko: berdintasuna@eibar.eus, 943 70 84 40; edo andretxea@eibar.eus, 943 54 39 38). Eta 24an, ordu berean, Maite Arroitajauregi ‘Mursego’ musikari eibartarraren eskutik ‘Laino guztien gainetik’ izeneko saioa egingo da erakusketari amaiera emateko.
Aurkezpenean Nerea Ariznabarreta aktore eibartarrak hartuko du parte, ‘Sorginen kontuak’ izeneko performancearekin. Gainera, urriaren 7an, 19:00etan, bisita gidatua egingo da artistekin eta Estefania Ocampos, Esther Galarza eta Sara Beiztegi komisarioekin (izena emateko: berdintasuna@eibar.eus, 943 70 84 40; edo andretxea@eibar.eus, 943 54 39 38). Eta 24an, ordu berean, Maite Arroitajauregi ‘Mursego’ musikari eibartarraren eskutik ‘Laino guztien gainetik’ izeneko saioa egingo da erakusketari amaiera emateko.
