Zapatuan liburutegian egingo den "Liburuz liburu" ipuin kontakizun saiora joateko aurretik izena eman behar da
2020/10/28
eta kitto!
Asteburu honetan, urriaren 31n eskainiko dute “Liburuz liburu” kontakizuna liburutegian, Zapatuko Ipuina egitasmoaren barruan antolatutako saioan. Ana Apika ipuin-kontalariaren saioa 18:00etan hasiko da eta lau urtetik gorako umeentzat pentsatuta dago. Sarrera doan izango da, baina parte hartzeko aurretik izena eman beharra dago, liburutegia@eibar.eus helbidera idatziz edo 943708437 telefono zenbakira deituta. Aforoa zaindu behar denez, familia-unitate bakoitzeko heldu bakarra joan ahal izango da eta izena ematen dutenak ordenean apuntatuko dituzte, toki guztiak bete arte.
