Oraindik bada sarrerarik Arrateko bertso-afarirako

...eta kitto! Euskara Elkarteak irailaren 7rako, barixakua, antolatu duen bertso-afarirako sarrerak erosteko aukera bada oraindik ere. Sagar Bitza eta Kultu tabernetako denak saldu badira ere, Kantabria jatetxean gelditzen dira baten batzuk (32 euro).

Aurten ere laukote bikainak jardungo du bertsotan afalostean: Aitor Sarriegi, Maialen Lujanbio, Sebastian Lizaso eta Andoni Egañak egingo dute bertsotan Jon Mikel Mujikaren agindura.