Zapatu eguerdirako asanblada deitu dute gazteek, Gure Esku Dago-ren giza-katearen harira

0    Berriak, Politika 
Silbia
Zapatu eguerdirako asanblada deitu dute gazteek, Gure Esku Dago-ren giza-katearen harira
11 Mai
11:12

Ekainaren 10ean Gure Esku Dago ekimenak erabakitzeko eskubidearen alde Donostia, Bilbo eta Gasteiz giza-katea osatuta lotu nahi ditu eta, bide horretan, Eibartik ere pasatuko da. Hori dela eta, herriko gazte talde batek erronka ipini dio bere buruari: Azitain eta Urkizu arteko kilometroa (ibilbidearen 71. kilometroa) gazteen katea eginez lotzea. Horretarako 1.000 gazte biltzea da helburua eta, asmo horrekin, biharko asanblada informatiboa deitu dute, 12:30ean Hirurok taberna aurreko parkean (Portalea aldamenean). Bertan, giza-kateari buruzko informazioa emango dute: egitaraua, izena emateko bideak, materiala eskuratzeko aukerak… Eibarko gazte kuadrila edo lagun talde guztiei bilerara joateko dei egin nahi diete.

Gure Esku Dago

Gaiarekin zerikusia duten albisteak

« »