HARIXA EMOTEN

Irakurzaletasuna bultzatzeko hilean behin antolatzen dugun irakurketa-kluba.

Euskal literatura eta euskal idazle berriak ezagutzera emateko baliagarria den egitasmoa dugu eta liburua irakurri eta gero tertuliak egiten dira.

Helduen literatura tailerrean partaideek aditu baten laguntasuna izaten dute, Antxon Narbaiza irakasle eta historialaria. Horrez gain, horretarako aukera dugunean, egilea bera ere etortzen da tertulian parte hartzera. Liburua irakurri aurretik, adituak “pista” batzuk ematen dizkie tertulia kideei, liburua irakurtzerako orduan kontuan hartu beharreko hainbat irizpide emanez. Tertulia kideek diotenez lan hori oso baliagarria egiten zaie, liburuari ahal denik eta mami gehien ateratzeko.