IPURTERRE

Ipurterre lehiaketa umeen eta gaztetxoen artean irakurzaletasuna sustatzeko egitasmoa da. Batez ere, idazteko trebetasunak garatzeko asmoarekin sortutako lehiaketa da.

Lehiaketan LH eta DBHko ikasleek hartzen dute parte, ikasketa etapa eta zikloaren arabera maila ezberdinetan. LHkoentzat ipuina da erabiltzen dugun formatoa eta DBHkoentzat, berriz, gutuna.

Urtarrila erdialdean ikastetxeekin bilera egin eta gero, parte-hartzaileek pare bat hilabete izaten dituzte lanak idazteko. Gero epaimahaiak hilabete inguru izaten du ipuinak irakurri eta ebazpena emateko. Ebazpena apirilaren amaieran izaten da eta sari banaketa maiatzaren hasieran.
Sari banaketa ekitaldia oso jendetsua izaten da, umeentzako ikuskizun berezia ere antolatzen dugulako.