Euskararen erabileraz arduratzen garenok, ezin dugu erabilerarako ezinbestekoa den transmisioaren gakoa alde batera utzi, transmisioak gaitasuna ez ezik, hizkuntzarekiko baloreak eta ardura ere dakartzalako.
Dakiguna gure ondorengoei ematen diegunean hizkuntza horrekiko begirunea erakusten diegu, balio duela esaten ari gara eta eurona ere badela adierazten diegu.
Transmisioa hain garrantzitsua izanik, ezinbestekoa da alor hau aintzat hartzea, modu estrategikoan lantzea, eta plangitzak definitzea. Horregatik, mintegi honen bitartez, honen gainean dauden esperientzia eta praktika onak elkarbanatu eta ezagutarazteaz gain, gaiari buruz eztabaida eta lan ildoak definitu nahiko genituzke.
2011n, gaiarekin oso arduratuta, transmisioari buruzko lehen mintegia egin genuen, 2012, 2013 eta 2014an mintegiari eutsi eta aurten apirilaren 28an Eibarko Portalea Kultur Etxeko areto nagusian ekingo diogu bostgarren mintegiari.
Esan beharra dugu nazio mailako mintegia dela, hau da Euskal Herri mailako mintegia dela eta hizlariak gaian adituak izaten direla. Euskal Herri mailako mintegia izanik Eibarren egitea kokagune ezinhobea delakoan gaude, garraiobide aldetik zein gertutasun aldetik.
Mintegia euskara elkarteetako kide, udaletako euskara teknikari, aisialdi taldeetako ordezkari, irakasle etabarri zuzenduta dago eta 100 bat lagun batzen gara.
Goizeko 9:00etan eman zitzaion asteazkenean hasiera …eta kitto! Euskara Elkarteak antolatutako “VIII. Euskararen Transmisioari buruzko Mintegia”ri , Portaleko Areto Nagusian. Euskarari buruzko hainbat ikerketa, gogoeta, kezka eta…
Euskararen Transmisioa VIII. Mintegia hartuko du Portaleak martxoaren 7an. Goiz osoan zehar geure hizkuntzari lotutako gai eta esperientzia ezberdinak bertatik bertara ezagutzeko aukera paregabea izango da aurten ere, …eta kitto! Euskara…
Maiatzaren 23an, Euskararen Transmisioari buruzko Mintegiaren 7.edizioa izango dugu. Izen-ematea maiatzaren 2tik 19ra egin ahal izango da. HEMEN Iaz bezala, goizeko 8:45ean hasi eta 14:45ean amaituko dugu. Ondorengo egitaraua izango dugu (PDF-a…
Maiatzaren 3an Euskararen Transmisioari buruzko mintegiaren 6 edizioa izan genuen. Urtero bezala hitzaldi guztiak bideoz jaso genituen eta honezkero ikusgai dauzkazue ondorengo loturan: https://etakitto.eus/proiektuak/transmisioari-buruzko-mintegia/transmisioari-buruzko-mintegiko-bideoak…
