2020 mintegi jendetsu eta berezia ez dugu erraz ahaztuko, ederra izan zen, edertasunaren zentzurik zabalenean. Mintegia egin eta egun gutxitara konfinamendua hasi zen, baina momentu horietan, zetorrenari usairik ere ez genion hartzen.
Aurtengo mintegia beste era batekoa izango da, pandemiak berak mugak jartzen dizkigulako, baina faltan botako ditugu hainbat aurpegi, solasaldi, barre eta besarkada. Aurrez aurreko mintegia 20 lagunetara mugatuko da (eibartarrentzat) baina streaming bidez jarraitzeko aukera egongo da eta baita galderak bota eta parte hartzeko ere.
Paula Kasaresek 2011ko maiatzean iradokitutakoari eta iaz Jaime Altuna, Jone Miren Hernandez eta Paulak berak berretsitakoari kaso egin eta izenburua bere ere moldatu dugu, izan ere ikusi dugu urte guzti hauetan “Transmisioa” diogunean, sarritan “sozializazioaz” ari garela.
Pandemiak berak nolako eragina izan duen isladatzen saiatuko gara, krisialdiak aldaketa sasoiak ere badirelako eta kontziente izan edo ez guzti honek eragina izango duelako euskaldunongan edota etorkizuneko euskaldunengan.
Goiza bi zatitan banatuko dugu eta ahozkotasunak, sare sozialek eta hedabideek izan duten papera aztertu ondoren, esperientzia edo kasu praktikoak ikusiko ditugu.
Mintegia euskara elkarteetako kide, udaletako euskara teknikari, aisialdi taldeetako ordezkari, irakasle etabarri zuzenduta dago, baina edonor da ongietorria.
Aurtengo egitarauari buruz ingormazio gehiago nahi baduzu edota izena ematea nahi baduzu klikatu hemen.
Arrakasta handia izan du martxoaren 11n, asteazkenean, Eibarren izango den Euskararen Transmisioa X. mintegiak eta honezkero izen-ematea itxita dago. Betiko moduan bideoz jasoko da ekitaldia eta sare sozialen bitartez jarraitzeko aukera izango…
Euskararen erabileraz arduratzen garenok, ezin dugu erabilerarako ezinbestekoa den transmisioaren gakoa alde batera utzi, transmisioak gaitasuna ez ezik, hizkuntzarekiko baloreak eta ardura ere dakartzalako. Dakiguna gure ondorengoei ematen…
Goizeko 9:00etan eman zitzaion asteazkenean hasiera …eta kitto! Euskara Elkarteak antolatutako “VIII. Euskararen Transmisioari buruzko Mintegia”ri , Portaleko Areto Nagusian. Euskarari buruzko hainbat ikerketa, gogoeta, kezka eta…
Euskararen Transmisioa VIII. Mintegia hartuko du Portaleak martxoaren 7an. Goiz osoan zehar geure hizkuntzari lotutako gai eta esperientzia ezberdinak bertatik bertara ezagutzeko aukera paregabea izango da aurten ere, …eta kitto! Euskara…
