Atzo Portalea kultur etxean egindako aurkezpenean, …eta kitto! Euskara Elkarteak BERBETAN proiektuak hurrengo hilabeteetarako dituen asmoak, erronkak eta egitaraua aurkeztu zituen. Bertan egon ziren BERBETAN eta ONGIETORRI-ko hainbat parte-hartzaile, herriko eragileak eta proiektuari babesa ematen dioten erakundeak. Berbetan egitasmoak 16 urte bete ditu aurten eta erakundeetako ordezkariek euren babesa eta…
Irailaren 18an, martitzena, azalduko dizkigu …eta kitto! Euskara Elkarteak aurtengo ikasturterako BERBETAN eta ONGI ETORRI programetarako prestatu duen eskaintza. Aurkezpen-ekitaldia Portaleko areto nagusian izango da arratsaldeko 19:00etatik aurrera. Ekitaldia irekia izango da nahi duten guztientzat. Beraz, euskera praktikatu, praktikatzea behar dutenei lagundu edo gure hizkuntzan eta kulturan murgiltzen lagundu nahi duenarentzat hitzordu…
Taloak egiten ikasteko ikastaroa antolatu zuen joan zen domekan …eta kitto! Euskara Elkarteak Berbetan programetako kideentzat, eta baita jakimin handia piztu ere, talde polita elkartu zen-eta Portaleko sukaldean. Haur eta helduek primeran pasa zuten arto-irinez egindako masa egiten lehenengo eta taloak betetzen eta jaten gero. Aukera ere ez zen makala…
Zapatu goizean Gurasoak Berbetaneko partaideek, horietako asko seme-alabez lagunduta gainera, origami edo papiroflexia tailerraz gozatzeko aukera izan zuten …eta kitto!-n. Rafa Rodrigo adituak origamiaren inguruko bitxikeriak azaldu zizkigun, eta gero, entzundako guztia praktikara eramateko aukera izan zen: bihotz bat, beltxarga, diru zorroa eta tximeleta bat egin zituzten paperarekin. Ederto baten…
Ikasturte amaierako txangoa egin zuten zapatuan Zugarramurdira BERBETAN eta Ongi Etorri Berbetan programetako parte hartzaileek eta primerako eguna pasatu zuten eguraldia lagun izan zutelarik. 34 lagun bildu ziren eta Zugarramurdiko leizeak, Sorginen museoa eta herria ezagutzeko aukera izan zuten.
BERBETAN egitasmoaren ikasturte berriari hasiera emateko jaialdi berezia antolatu du …eta kitto! Euskara Elkarteak. Ekitaldia barixakuan (irailak 16an) izango da eta, eguraldi txarra iragarrita dagoenez, Urkizu ikastetxean egingo da. 17:30etik aurrera eskulan-tailerrak eta puzgarriak egongo dira, eta 19:00etan disko festa Mugi mugi taldearekin. Beraz, ez galdu ondo pasatzeko aukera eta…
Etiketak: #Berbetan, #berbetan #txalantxalan #ongietorriberbetan #mintzapraktika #berbalagun, #Ongietorri, Euskara