Aurtengo Sanjuanetan Jaixak Herrixak Herrixandakok eta Txosna Batzordeak saldutako errifen zozketa San Juan Txiki egunean egin zuten eta hauek izan dira zenbaki sarituak: lehen saria, lau lagunentzat afaria Casino jatetxean, 1337 zenbakiari egokitu zaio (erreserba 205) eta bigarren saria (lau lagunentzat afaria Hirurok jatetxean), berriz, 30 zenbakiarentzat izango da (erreserba…
Estaziño kale inguruan ibiltzen den koadrilak urteroko ohiturari eutsi dio aurten ere eta, San Juan jaietako txupinazo ofizialaren aurretik, gaur 14:30ak aldera bota dute euren “txupinazoa”, Ibarkurutzeko iturrian. Umore onean eta jaiak ospatzeko irrikitan agurtu dugu lagun taldea.
Atzo arratsaldean aurkeztu zuten aurten 90 urte betetzen dituen Eibarko Danborrada, Untzagako Izarra elkartean. Zapatu gauean, Untzagan, harmailen aldeko plazan San Juan Sua egin eta jarraian, gauerdian ekingo zaio helduen danborradari Untzaga plazaren beste aldean, udaletxe parean. 300 lagunek hartuko dute parte, bakoitzak bere konpainiaren ikur, kolore eta jantziekin. Oraingoan,…
Txaltxa Zelaian umeendako ipini dituzten barraketako baten inguruan azken egunotan herritarren aldetik izan diren kexen harira, Euskadiko Ferialari Autonomoen Elkargoak (AFADE) idatzia helarazi dio Eibarko Udalari, atrakzioaren matxuraren inguruko argibideak eman eta jende guztiari barkamena eskatzeko. Jarraian AFADEren idatzia daukazue.
Udaleko Kultura batzordeak gaur jakinarazi duenez, etzi (eguenean, ekainaren 21ean) barraketan ibiltzea ohikoa baino merkeagoa izango da, egun osoan bidaia bakoitzeko 0’70 euro kobratuko dute eta. Bestalde, egun horretarako antolatuta zegoen Juan Bautista Gisasola Musika Eskolakoen kontzertua (19:00etan Untzagan) bertan behera laga dutela eman dute aditzera.
Dantzari Egunarekin agurtu zuten barixakuan kurtsoa Kezka dantza eskolako ikasleek. Untzagan, taldeko dantzariekin batera ikasleek eskaini zuten emanaldia hasi aurretik, arratsaldearen zati handi bat zerura begira eman zuten, edozein unetan euria hasiko ote zen beldur, eta azkenean dantza saioa euripean egin behar izan zuten. Hala ere, urteroko moduan, saio ederra…
Atzo arratsaldean inauguratu zuten Untzagako karpan Eibar Rugby Taldeak urtero antolatzen duen Garagardo Jaia. Karpako ateak jende guztiarentzat zabaldu aurretik, antolatzaileek aurtengo omenduei errekonozimendua egin zieten, aurreskua eskainita eta oroigarri bana oparituta. Garagardo Jaiak 16 urte betetzen dituen honetan Multikirola egitasmoaren sustatzaileak eta Espainiako Selekzioarekin jokatzeko deitu duten Amaiur Mayo,…
Barixakuan elkartu zen Sanjuanak 2018 Eibarren kartel lehiaketako epaimahaia eta aho-batez aukeratu zuten lan irabazlea: San Sebastian de los Reyeseko Laura Pastor Lorente-ren “Sigue el ritmo” izenburukoa. 11 eta 14 urte bitarteko mailan irabazlea Lore Arregi Cabezón izan da, “Klik sanjuaneri” kartelarekin eta 10 urtera artekoen mailan, berriz, Miren Arroitajauregi…
Etiketak: #irabazle, #sanjuanak2018, #sari, #txosnak, #zozketa, errifa, herrixak, herrixandako, jaixak