San Andres jaietako bakailao lehiaketarako izen-ematea zabalik
2023/11/08
17:05
eta kitto!
Eibarko Udalak XXIX. Bakailao lehiaketa antolatu du, Alkorta Anaiak, Solera Eibarresa, Urzante olioak eta Inoxibar laguntzarekin. Azaroaren 26an egingo da Untzaga plazan, 11:00etan hasita. Eibarren dauden elkarteek, beste herrialde batzuetako etxeek edota lagun-taldeek har dezakete parte lehiaketa honetan. Talde bakoitza bi lagunek osatuko dute, baina sukaldari zaletuak izan behar dute, eta ez profesionalak edo hortaz bizi direnak. Bikoteko kide batek Eibarren erroldatuta egon behar du.
Izena emateko epea atzo zabaldu zuten eta azaroaren 13an amaituko da.
Lehiaketan parte hartzeko bikote bakoitzak formularioa bete behar du (Klikatu estekan formulario betetzeko):
- Formulario bidez: https://formularioak.eibar.eus/eu/bakailaolehiaketa2023
Gehien jota 50 bikote. Izena eman dutenen kopurua ezarritako gehieneko partehartzaile-kopurutik gorakoa bada, aukeraketa zozketa bidez egingo da Udaletxeko Pleno Aretoan azaroaren 18an, 11:00etan.
Oinarriak kontsultatu nahi badituzu bertan klikatu.
