30. urteurrena ospatzeko ekitaldiak egingo dituzte Beheko Tokia adinekoen zentroan aste honetan

Beheko Tokia adinekoen zentroa zabaldu zutela 30 urte bete dira eta, hori ospatzeko, hainbat jarduera prestatu dituzte  aste honterako: azaroaren 13an, eguena, 18:00etan kafesnea hartu eta, jarraian, musika emanaldia izango dute, Sofia Machin eibartarraren eskutik. Hurrengo egunean (azaroak 14), umeentzako txokolate-jana eskainiko dute, 17:00etan, eta jarraian magia ikuskizuna aurkeztuko du Lekim-ek.

Horrez gain, “Osasuna eta udazkena” hitzaldia (gazteleraz) antolatu dute azaroaren 12rako (eguaztena), 11:00etatik 13:00era Beheko Tokia adinekoen zentroan bertan. Izen-ematea osasun zentroan (943032500 /943032650) edo Adinekoen Zentroko bulegoan (688 68 45 09) egin daiteke.