500 parte-hartzaile izan zituen Itzulia Basque Challengearen bigarren edizioak

Zapatuan jokatutako Euskal Herriko Itzuliaren azken etaparen ibilbide berarekin jokatu zen atzokoan, domekan, Challengearen bigarren edizioa. Eta ezin arrakastatsuagoa izan zen, bostehun bat zikloturisten parte-hartzearekin, modu horretan aurreikuspen guztiak gaindituz.

Bizikletazaleek World Tour lasterketa baten inguruko esperientziaz gozatu ahal izan zuten: ibilbide bera, azpiegitura eta zerbitzu berdinak, dena txirrindularitzaz gozatzeko. Ibilbidea amaitzerakoan, parte-hartzaileek helmugako arkua zeharkatu zuten, bezperan Juan Ayusok 2024ko Itzuliko irabazleak egin bezala. Marra zeharkatu ondoren, Finisher domina jaso zuten eta podiumera igo ziren hainbeste desiratutako argazkia ateratzeko.