AbenturaPark Untzagan bihar, goiz eta arratsaldez

Klub Deportiboko mendi batzordeak oso ekimen berezia prestatu du biharko: Untzaga plazak hartuko duen AbenturaPark ekimena. Klubaren mendeurrena ospatzeko aktibitateen artean kokatu dezakegu jardunaldi hori, “heldu zein umeen gozamenerako, eurentzat apropos prestatutako jolas eta abarrekin, guztientzat egokituta”. Goizeko emanaldia 10:00etan hasiko da eta bost ordu iraungo du, 15:00ak arte; arratsaldekoak, bestalde, 17:00etatik 20:00ak arte iraungo du.
Bi tirolina, jumar eta rapel beste bina, 10 metroko trepa sarea eta bi kutxa dorre izango dira Untzagan, zirko eta oreka jolasekin batera. Eta 19:45etik aurrera slackline erakustaldiaz ere gozatu ahal izango dugu, hau da, oreka soka alturarekin. Adin guztietarako egokituko diren aipatutako aktibitateak doanekoak izango dira.