Aginagako jaiak ospatuko dituzte irailaren 27an eta 29an

Aginagako jaiak ospatuko dituzte domekan eta martitzenean. Irailaren 27an, domekan, eta 29an, San Miguel Egunean, hainbat ekitaldi izango dira auzoan, tartean mezak, herri-bazkariak, umeendako jolasak eta musika.

Domekan, irailaren 27an, 11:00etan Meza Nagusia egingo dute, San Andres parrokiako abesbatzak lagunduta. Eguerdian, 12:00etan, hamarretakoa eta umeendako jolasak izango dira. 14:30ean herri-paella egingo dute, eta arratsaldean, 17:00etatik 20:00etara, erromeria izango da MP5 taldearekin.

Martitzenean, irailaren 29an, Miguel Eguna ospatuko dute. 11:00etan Meza Nagusia egingo dute, eta ondoren Usartza txistulari taldearen emanaldia izango da. 12:00etan hamarretakoa eta umeendako jolasak izango dira, eta 14:00etan lagunarteko bazkaria egingo dute, Usartza txistulari taldeak lagunduta.

Bazkalorduan bertan, 14:00etan, zozketa egingo dute. Saritzat jeneroz betetako karretilla bat egongo da, 420 eurotan baloratua.