Alyco Tools enpresa SD Eibarren babesle ofiziala izango da
Alyco Tools enpresa gipuzkoarra SD Eibarren babesle ofiziala izango da gutxienez hurrengo bi denboraldietan. Horrela, konprometitutako Gipuzkoako bi erakunderen arteko ekarpen berri bat finkatu da. Sinadura-ekitaldian, Alycoko Alberto Quintela gerenteak eta Jose Vicente Urizarbarrena kontseilariak hartu zuten parte, Amaia Gorostiza SD Eibarko presidentearekin batera.
Alycok hainbat urte daramatza Klubarekin elkarlanean, baina beste pauso bat eman nahi izan du, eta Klubaren babesleen zerrendan sartu da. Enpresa hori izan zen Eibarren kamisetaren babeslea 2020-21 denboraldiko 29. jardunaldiko partidurako, talde armaginak Real Madrilen aurka Alfredo Di Stefanon jokatu zuenean. Aliantza berri honekin etapa berri bat ireki da, oraingoan Klubaren Babesle Ofizial gisa, eta presentzia nabarmena lortu du Ipuruako estadioko ikusgarritasun-euskarrietan eta publizitate-aktiboetan, bai gizonezkoen 1. taldeari bai emakumezkoen 1. taldeari lotuta; azken honen alde egindako apustuarekin, bere balio estrategikoekin bat egiten du, kirolean berdintasuna eta aldaketa soziala bultzatuz.
