Ander Moyaren omenezko Memoriala ospatuko da zapatu honetan Ermuan, Betiondoko instalazioetan
Ander Moya eibartarra Ermua Blues CDko jokalaria zen
2024/05/29
13:33
eta kitto!
Ermua Blues CD taldeak Ander Moyaren omenezko memoriala antolatu du zapatu honetarako, ekainak 1. Ander Moya eibartarra Ermua Blues CD-ko jokalaria zen eta 2021ean zendu zen 9 urterekin. Bere oroimenezko hirugarren edizioa izango da oraingokoa.
Memoriala Ermuko Betiondon izango da eta antolattzaileek eta Anderren familiakoek jendea animatu nahi dute egun hori eurekin pasatzeko: "Futbolean aritzeko eta ondo pasatzeko eguna izango da. Beti-Ondo jendez bete nahi dugu. Oso egun garrantzitsua da Ermua Blues-entzat, sarreren eta errifen bidez lortutako diru guztia Martin Alvarez Muelas Fundazioarentzat izango baita".