Aratosteak iragarriko dituen kartela eta jai-egitaraua aurkeztu dituzte

Gaur goizean aurkeztu du Udalak Aratosteetarako prestatu duen jai-egitaraua, kartel lehiaketan saritu dituzten lanekin batera. Kultura sailak deitzen duen lehiaketan 120 kartel jaso dituzte guztira, eta helduen mailako irabazlea Maria Ortiz de Bañosen “Mozorro lehiaketa” izenekoa izan da. Haurren artean, berriz, Jare Arzuaga Ibarretxeren “Aratosteetako oroitzapenak" eta Ane Plaza Uberaren “Karnabalak airean” saritu dituzte, 11-14 urte bitartekoen mailan eta 10 urtera artekoan, hurrenez hurren.

Kezka dantza taldearen eskutik urtero egiten diren koko-eske eta koko-dantzekin hasiko dira Aratosteak, zapatuan (otsailak 3). Goizean goizetik irtengo dira koko-marru eta koko-dantzariak kalera: 08:30ean Errebalen lehen agerraldia egin eta gero, aurten Aginagako baserrietan ibiliko dira goiz osoan. Eta 18:30ean berriz ere Errebalen elkartuko dira, handik abiatuta herriko kaleetan kalejiran ibiltzeko, Mauxitxa txarangak lagunduta. Azken koko-dantza eta kantuak Errebalen egingo dituzte, 21:15ean. Gogora ekarri dutenez, edozeinek hartu dezake parte arratsaldeko kalejira eta dantzetan, eta dantzak ikasteko entsegu irekia egingo dute etzi (eguena, otsailak 1), 19:00etatik 22:00etara, Errebal plazan.

Horrez gain, atzoz geroztik zabalik dago Udalaren eskutik egingo diren Koadrilen Kalejira lehiaketan eta Aratosteetan ondoen apaindutako taberna lehiaketan parte hartzeko izen-ematea. Otsailaren 8ra arte eman ahalko da izena batean zein bestean, eta parte hartzeko baldintzak eta bestelako informazioa Udalaren webgunean kontsultatu daitezke.

Jarraian daukazue 2024rako Aratosteetarako programa osoa:

Koko-dantzak eta koko-eskea (otsailak 3)

08:30 Errebalen.

09:00-14:00 Aginako baserrietan.

18:30 Errebalen koko-mokoen elkartzea, koko-dantzak eta kantuak, Mauxitxa txarangak lagunduta eta kalejiran hasiera. Ibildea: Zuloagatarren, Toribio Etxebarria, Untzaga, Calbeton, Plaza Barria, Errebal Plazia.

21:15 Errebalen azken koko-dantza eta kantuak.

 

Eguen Zuri (otsailak 8)

15:15 Eskoletako taldeen kalejirak

17:00 Urkizun hasita eta Untzagaraino, Jainaga eta Narbaizarekin  kalejira.

17:00 Untzaga plazan LISKER taldearen erromeria.

17:00-19:00 Untzaga plazan, tailerrak: karetak eta makilaia ASTIXAren eskutik

19:00 Mozorro lehiaketa, Galiziako Etxean.

 

Barixaku Erregularra (otsailak 9)

20:00 Urkizun hasita Untzagaraino, KALDEREROEN kalejira. Partehartzaileak: Kezka Dantza Taldea, …eta kitto!, Txolarte, Ustekabe fanfarrea, Juan Bautista Gisasola Musika Eskolako trikitilariak, Lagun taldea, Untzagako nagusien egoitzako abesbatza, Kaleetan kantuz eta Jainagaren trikitixa eskola.

20:30 Errebal plazian,  Aratosteetako pregoia. ...eta kitto!  eta Kez­ka Dantza Taldeak antolatuta

 

Aratoste Zapatua (otsailak 10)

12:30 Rock kalean, Eibarko kaleetatik.

12:30 Aratosteetako koadrilen kalejira Ustekabe fanfarrearekin.

Ibilbidea: Untzaga, Calbeton, Bidebarrieta, Julian Etxeberria, Toribio Etxebarria, Untzaga.

Izen ematea otsailaren 8ra arte: https://formularioak.eibar.eus/eu/aratosteetakokuadrillenkalejira2024

12:30 – 14:30 Photocall-a Untzaga plazan.

16:30-19:30 Puzgarriak Errebal Plazan.

19:00 - 21:30 Umeendako berbena Untzaga plazan MUGI PANDEROA  taldearekin.

19:30, Aratosteetako koadrilen kalejira, taberna eta kartel lehiaketen sari banaketa Untzaga plazan.

19:00 – 21:00 Photocall-a Untzaga plazan.

19:00 Eibarko kaleetatik “Brass Band” taldearen animazio musikala.

23:30 - 01:30 Dantzaldia MUGI PANDEROA  taldearen eskutik Untzaga plazan.

 

Aratoste Domeka (otsailak 11)

11:00 Aratosteetako kalejira, Usartza Txistulari Bandaren eskutik.

17:00 Umeendako Playback lehiaketa Untzaga plazan LH 5-6 mailetako ikasleentzat,...eta kitto!-k antolatuta.

18:30 Jarraian, DJ Arno.

 

Aratoste Martitzena (otsailak 13)

17:00 -18:30 Untzaga plazan, umeendako jolasak Astixaren eskutik.

18:30 Jarraian Sardinaren entierru txikia, Jainaga trikitilariz lagundua.