As Burgas Galiziako Etxeak 26. Haurrendako Gabonetako Marrazki Lehiaketa antolatu du domekarako

Beste urte batzuetan bezala, aurten ere Haurrendako Gabonetako Marrazki Lehiaketa antolatu du As Burgas Galiziako Etxeak. Domekan egingo dute, 16:30ean, eta bi eta 12 urte bitarteko umeek har dezakete parte. Adinaren arabera, hiru maila bereiziko dituzte: bi eta bost urte bitartekoen artean sari bat emango diote irabazleari; sei eta bederatzi urte bitartekoen artean, berriz, hiru onenak sarituko dituzte; eta gauza bera egingo dute hamar eta 12 urte bitarteko mailan. Lehiaketak 26. edizioa beteko du asteburuan, eta amaieran parte-hartzaile guztientzat txokolate-jana egongo da.