Asier Cuevas Herri Lasterketa jokatuko da zapatu arratsaldean

Zapatuan, azaroak 15, Asier Cuevas Herri Lasterketaren XII. edizioa egingo da. Egunari hasiera emateko, 17:00etan, Eskola Kirolean parte hartzen duten umeek Asier Cuevas Txikia egingo dute. Gero, 18:00etan, lasterketa nagusia egingo da, ohiko 7,5 kilometro dituen ohiko ibilbideari jarraituz (hiru buelta emango dizkiote zirkuitu berdinari).

Oraindik ere izena eman daiteke eta, horretarako, bi modu daude: batetik, www.sailkapenak.com webgunearen bitartez; eta bestetik, Eibarko Klub Deportiboaren bulegoan (Toribio Etxebarria kalea, 16-1), astelehenetik barixakura, 18:00etatik 20:30era. Bestalde, lasterketan parte hartu ahal izateko 15 euro ordaindu beharko dira.