Asier Cuevas Herri Lasterketaren XII. edizioa azaroaren 15ean jokatuko da
Dagoeneko badago izena emateko aukera, www.sailkapenak.com webgunean edo Deporreko bulegoan
2025/10/28
11:46
eta kitto!
Azaroaren 15ean, 18:00etan, Asier Cuevas Herri Lasterketaren XII. edizioa jokatuko da Eibarren. Parte-hartzaileek azken urteotako zirkuitu berdina egingo dute eta, hiru buelta emanda, 7,5 kilometro egin beharko dituzte korrika. Aurretik, 17:00etan, Eskola Kiroleko umeek Asier Cuevas Txikia egingo dute.
Dagoeneko zabalik dago Asier Cuevas Herri Lasterketan izena emateko epea. Horretarako, bi modu daude: batetik, www.sailkapenak.com webgunearen bitartez; eta bestetik, Eibarko Klub Deportiboaren bulegoan (Toribio Etxebarria kalea, 16-1), astelehenetik barixakura, 18:00etatik 20:30era. Bestalde, lasterketan parte hartu ahal izateko 15 euro ordaindu beharko dira.
