Asier Gomez igerilariak zeharkaldi bikaina egin zuen Zierbenan
Igerilari eibartarra maila absolutuko bigarren postuan sailkatu zen
2024/10/15
10:09
eta kitto!
Eibar Igerixan taldeko ordezkaria goi-goian izan da berriro beste zeharkaldi batean, Zierbena Galipa Swin Trabesiaren seigarren edizioan. Domekan Zierbenako kaian antolatutako proban Asier Gomez maila absolutuko bigarren postuan sailkatu zen, bi kilometroko ibilbidea osatzeko 27 minutu eta 44 segundoko denbora eginez. Zenbait mailatan banatutako proban klub askotako igerilariek hartu zuten parte, 410 parte-hartzailekin.
