Asobal Ligako Bidasoa eta Eibar Eskubaloia bihar Ipuruan Euskadi Kopako finalerdietan

Asobal Ligan, estatuko eskubaloiaren maila gorenean, jokatzen duen Irungo Bidasoa ikusteko aukera izango dute bihar arratsaldean herriko zaletuek. Euskadiko Kopako finalerdia hartuko du Ipurua kiroldegiak eta hor lana gogotik egin beharko du Fernando Fernandezen taldeak hain talde indartsua denari aurre egiteko. Grebaren ondorioz lehiaketarik gabeko asteburu baten ondoren, norgehiagoka hori aukera bikaina izan daiteke eibartarrentzat, eliteko aurkari baten kontrakoan, euren onena emateko; baita jokalari guztien artean minutuak banatzeko aukera aprobetxatzeko. Gainera, Mikel Zabala eibartarrak Irungo taldean jokatzen du eta, horrela, Ipuruara bueltatuko da.