Asteburu honetan eta hurrengoan erdialdea oinezkoentzat jartzeko ordutegia aurreratuko da
Asteburu honetatik hasita herrian jarduera ugari egongo direla eta, beste batzuetan baino lehenago itxiko dituzte kaleak automobilentzat.
2024/11/20
19:27
eta kitto!
San Andres egunaren inguruan antolatu diren jarduerak direla eta, asteburu honetan eta hurrengoan erdialdea oinezkoentzat jartzeko ordutegia aurreratuko dela jakinarazi dute Udaltzaingotik. Hauek dira datozen bi asteburuetan erdialdea oinezkoentzat jartzeko egingo dituzten aldaketak:
- Txistorraren Eguna dela eta, 2024ko azaroaren 23an, larunbata, 12:00etara aurreratu da oinezkoentzako eremua.
- San Andres egunaren bezperan, 2024ko azaroaren 29an, ostirala, erdialdea oinezkoentzat izango da 18:00etan, eta, ohi bezala, igandeko 24:00ak arte mantenduko da.
