Asteburuan Santa Kurutzeko jaiak ospatuko dituzte

Santa Kurutzeko jaiak bete-betean ospatuko dituzte asteburuan, zapatu zein domekarako prestatu duten egitarauari jarraituta. Egun bietan mezarekin ekingo diote programari eta, horrekin batera, ume eta gazteendako jokoak, trikitilariak, soka-dantza eta beste hainbat egingo dituzte. Jarraian egitarau osoa irakur dezakezue:

Zapatua 3
10.30.- Kanpaiak. 11.00.- Meza, Gorosta eta Mandiola auzoetan hildakoen alde. Ondoren hamaiketakoa. Santa Kurutzeko ermitan. 12.00.- Oier Balzola eta Unai Andonegi trikitilariak. 12.30.- Haurrentzako jolasak. 13.00.- Asto proba eta giza proba auzokoen eskutik. Desafioa: iazko asto txapelduna (Agarre Azpi) auzoko neska-mutilen aurka. 14.30.- Bazkaria Ixua jatetxean. Ondoren, erromeria Oier Balzola eta Unai Andonegiren eskutik.

Domeka 4
10.30.- Kanpaiak. 11.00.- Meza nagusia Santa Kurutzeko ermitan. Piskolabisa. 12.00.- Soka dantza, Kezka dantza taldearen eta Usartza txistulari taldearen eskutik. 12.30.- Haur eta helduentzat jolasak. 14.30.- Jaien amaiera, kanpai hotsekin.