Astelena frontoiak paleta gomako partidua hartuko du gaur 20:30ean
Gipuzkoako Binakako Txapelketako bigarren jardunaldia jokoan den honetan, etxeko paleta gomako partiduak hartuko ditu oraingoan Astelena frontoiak: gaur, irailak 19, arratsaldeko 20:30etan hasita, Klub Deportiboko Guisasola eta Solagaistua bikoteak Errenteriako Batzokiko bikotea izango du aurrez aurre. Zapatuan, berriz, goizeko 09:30etan hasita, Osa eta Urainek osatutako bikoteak Zarautz 3 bikotea izango du aurkari, eta Soria eta Guineak osatutako bikoteak ondoren Aia 2 bikotearen aurka jokatuko dute.
Etxetik kanpoko partiduetan, esku pilotan, Villabonako Bear Zana frontoian izango da Varona eta Gil kadete bikote eibartarra barixaku arratsaldean; egun berean Oiartzungo Madalensoro frontoian izango da Amuategi eta Azpilikueta bikote jubenila eta Lazkaon izango da Narvaiza eta Conde senior bikotea ere.
