Azaroaren 23an egingo den zuhaitz-landaketan parte hartzeko gonbidapen zabala egin du Eibarko Baso Biziak taldeak

Eibarko Baso Biziak taldekoek, Lurgaiako lagunekin batera, zuhaitz-landaketa egingo dute azaroaren 23an (zapatua), “neguko landaketa denboraldi berriarekin hasteko”, eta herritar guztiak parte hartzera gonbidatu nahi dituzte: “Zuen laguntza behar dugu bertako basoak berreskuratzeko, animatu eta parte hartu!”. Zuhaitz-landaketa Kaminburu inguruan egingo da, “ingurunearen birsortze naturalean laguntzeko”, eta parte hartzera animatzen direnak Unben, goiko foball zelaiaren aldamenean elkartuko dira, 09:30ean. Izena emateko, emaila bidali behar da eibarkobasobiziak@gmail.com edo info@lurgaia.org helbideetako batera, azaroaren 21a baino lehen. Bertan izen-abizenak, adina eta herria zehaztea eskatu dute (gaiari dagokion eremuan “Azaroak 23 Eibar” idatzi beharko da).