AZKEN ORDUKOA | Sua piztu da Errekatxu Berriko etxe batean eta suhiltzaileak hori amatatzeko lanean ari dira

Errekatxu kaleko etxe berrietako batean sua piztu da gaur eguerdian, eta une honetan hori itzaltzeko lanean ari dira suhiltzaileak. Oraindik ez dute gertatutakoari buruzko informaziorik eman, baina sua sukalderen batean hasi dela uste dute.

Edozein modutan ere, suak ke asko sortu du eta urrutitik ikusten da. Jakin dugunez, etxe barruan irten ezinda zeuden hiru lagun atera dituzte larrialdi zerbitzuek, eta Mendaroko Ospitalera eraman dituzte.

Suhiltzaileak beste inor barruan dagoen begiratzen ari dira, baina badirudi eraikina guztiz hustuta dagoela.